ელფების სახელოსნო

თეატრალიზებული საახალწლო ვორქშოპები თამაშობანაში

რა დახვდებათ ბავშვებს ელფების სახელოსნოში: ვორქშოპი, გრინჩთან თამაში, ახალი წლის გადარჩენის კრებაში და თოვლის ბაბუას დიდ მისიაში მონაწილეობა, ბავშვების წერილების დიდი ხურჯინის გახსნა და ელფის ოფიციალური სტატუსის მიღება.

🎅 თოვლის ბაბუას დახმარება სჭირდება! თურმე, წელს ძალიან ბევრი ბავშვისთვის აქვს საჩუქარი მოსამზადებელი, მისი ელფები კი წუხან, რომ ვერ მოასწრებენ ყველაფრის მომზადებას, ამიტომ გვჭირდება ახალი ელფები!

🎁 თამაშობანაში ელფების სახელოსნო მოვაწყვეთ, სადაც თოვლის ბაბუასთან გაგზავნილი წერილების მიხედვით შედგენილი საჩუქრების სიაა და ყველა, ვინც ელფობას მოინდომებს, მთავარი ელფების დახმარებით საჩუქრების მომზადებას შეუდგება.

🎄 ვორქშოპებზე პატარა ელფები მოამზადებენ საახალწლო ნივთებს, სათამაშოებს და საჩუქრებს, თუმცა ბუზღუნა გრინჩს თამაშობანას ეზოში მოუწყვია სახლი და ხანდახან ელფებს ხელს უშლის საჩუქრების მომზადებაში, მაგრამ პატარების მონდომება და თოვლის ბაბუას ჯადოსნობები გრინჩსაც მალე მოანდომებს თამაშს.

✨ ვისაც უნდა თამაში და ვისაც უნდა ელფობა,

📍 გელით თამაშობანას საახალწლო ვორქშოპებზე ელფების სახელოსნოში.