არქიტექტორობანა

🏗️  კურსის განმავლობაში ბავშვებს დაევალებათ იმუშაონ თავის საოცნებო შენობაზე, სახლი, მაღაზია, სკოლა ... მოიფიქრონ ამ შენობის ვიზუალი და დაამზადონ მაკეტი. პროქტების დამუშვებასთან ერთად გავეცნობით არქიტექტურის ზოგად პრინციპებს, ნახაზის მომზადების ზოგად პრინციპებს, მაშტაბის გამოთვლას და ზომების განსაზღვრას. შემეცნებით ნაწილში გავიცნობთ სხვადასხვა არქიტექტორებს, მათ ნამუშევრებს, landmark შენობებს სხვადასხვა ქალაქებში. შევეხებით ქალაქგეგმარების საკითხს, ქუჩების, სკვერების ადგილმდებარეობებს და ქალაქგეგმარების ტიპებს. მოგროვილი ინფორმაციებით და ცოდნით დამზადებული მაკეტებით კურსის ბოლოს ავაწყობთ ერთ დიდ საერთო ქალაქს - თავისი დაგეგმარებით და შენობების განაწილებით.  

📐 სწავლის ფორმატი:

არქიტექტორობანა წარმოადგენს 3 თვიან პროცესს (თავდაპირველად ბავშვი რეგისტრირდება პირველ თვეზე, ხოლო შემდეგ მშობელი და ბავშვი იღებენ გადაწყვეტილებას კურსის გაგრძელება/შეწყვეტასთან დაკავშირებით) რომლის დროსაც მომზადდება ერთი დიდ პროექტი - "ქალაქი" , რომელიც სირთულის და მასშტაბის მაიხედვით სამ ეტაპად იქნება გაყოფილი:

● საცხოვრებელი სახლები - ამ ეტაპზე გაეცნობიან სახლების არქიტექტურას, ცნობილ სახლებს და მოამზადებენ თავის "სახლს".

● კომერციული ფართები - ამ ეტაპზე გაეცნობიან სხვადასხვა დაწესებულების არქიტექტურას, მაღაზია, სკოლა, სასტუმრო, მუზეუმი - ცნობილ შენობებს და მოამზადებენ თავისთვის საინტერესო შენობის ვიზუალს.

● ქალაქგეგმარება - ამ ეტაპზე გაეცნობიან პარკების, გზების, და სხვა ქალაქგეგმარებით პროექტებს, მთელი ჯგუფის ჩართულობით გავამზადებთ ერთიან რუკას - რომელზეც განვათავსებთ კურსის განმავლობაში დამზადებულ ყველა შენობას. სწავლების პროცესში გამოიყენება მათ შორის: ლექციები, სტუდიაში ადგილზე პრაქტიკული დავალების შესრულება, სტუდენტების პრეზენტაციების გაკეთება და ერთმანეთის ნამუშევრების განხილვა/კრიტიკა.

🎯 კურსის მიზანია, ბავშვებმა შეისწავლონ არქიტექტურის საფუძვლები, გაეცნონ ცნობილ ქართველ და უცხოელ არქიტექტორებს. თავისი წარმოსახვით შექმნან პროექტები და ამ პროექტების ფიზიკური მაკეტები.