პადინგტონის მარმელადის სიყვარულით შთაგონებულ კულინარიულ თავგადასავალში, ერთად მოვამზადებთ უგემრიელეს ორცხობილებს, ვითამაშებთ საინტერესო თამაშებს და ძალიან ბევრს ვიხალისებთ.

პატარა მეცნიერებისთვის საინტერესო მისია მოვამზადეთ, მათ ბოროტი მეცნიერის, დოქტორი ქაოსის დამალულ საიდუმლო ფორმულას უნდა მიაგნონ, რომელიც ჩვენი დაბადების დღის ტორტის დასაბრუნებლად გვჭირდება. ექსპერიმენტებისა და ჯადოსნური მინიშნებების დახმარებით ბავშვებმა ტორტი უნდა დაიბრუნონ და დაბადების დღე გადაარჩინონ. წინ მხიარული თავგადასავალი და საოცარი ექსპერიმენტები გველის.

ცხოველების აღლუმი ჩვენი ყველაზე პატარა სტუმრებისთვისაა განკუთვნილი. მასში მშობლების (ერთი მაინც) ჩართულობა და თანდასწრება აუცილებელია. ბავშვებსა და მშობლებს მხიარულ და ენერგიულ ცხოველების აღლუმზე ვეპატიჟებით, სადაც პატარები სხვადასხვა ცხოველს განასახიერებენ. ისინი დაბადების დღის კაპიტანთან ერთად მოგზაურობენ ჯუნგლებსა და სავანებში, რათა ინტერაქტიული და სახალისო თამაშების წყალობით ცოველების დახმარება შეძლონ.

ერთად გადავინაცვლოთ ვილი ვონკას ტკბილ და თავგადასავლებით სავსე სამყაროში, სადაც ოქროს ბილეთის მოპოვებიდან, საბოლოო დავალების შესრულებამდე, უკლებლივ ყველა ვორქშოპი და თამაში დაუვიწყარ და ჯადოსნურ მოგონებებს შეგიქმნით.

ნიკოლა ტესლას ელვების დაბადების დღე მეცნიერებისა და გამოგონებების ერთგვარი დღესასწაულია, რომელიც სპეციალურად ახალგაზრდა გამომგონებლებისთვის შეიქმნა. მრავალფეროვანი პროგრამის წყალობით, ექსპერიმენტები და აღმოჩენები კიდევ უფრო საოცარი და სახალისო ხდება.

წინ ვარსკვლავური ზეიმი გველოდება! ერთი დღით ყველანი მუსიკალურ სამყაროში გადავინაცვლებთ, ჩვენს საყვარელ დიჯეისთან ერთად ბევრს ვიცეკვებთ და დაბადების დღის ჯადოსნურ ვიდეო კლიპსაც ჩავწერთ, რომელიც პატარა ვარსკვლავებისთვის დაუვიწყარი გამოცდილება იქნება.

მოემზადეთ ყველაზე ფერადი ნეონის წვეულებისთვის! ერთად გავეშუროთ კაშკაშა სამყაროში, სადაც შეგვეძლება ნეონის მარკერების მეშვეობით, საკუთარი დიზაინით მოვხატოთ და გავამრავალფეროვნოთ ჩვენი სამოსი და პარალელურად ენერგიული ცეკვა-თამაშითაც გავხალისდეთ.

ვიდეო თამაშების ზეიმი პატარა გეიმერების საყვარელი არჩევანია. გარდა ენერგიული ცეკვა-თამაშისა, ბავშვები თავიანთ საყვარელ თამაშებსა და გმირებზე კიდევ უფრო მეტს გაიგებენ და მათი განსახიერების შესაძლებლობაც ექნებათ.

ჯადოსნური გალაქტიკის თემატიკის დღესასწაული ჩვენი ყველაზე პატარა სტუმრებისთვისაა განკუთვნილი. მასში მშობლების (ერთი მაინც) ჩართულობა და თანდასწრება აუცილებელია. ბავშვები და მშობლები 2 საათით უნიქორნების, ვარსკვლავებისა და პლანეტების სამყაროში გადაინაცვლებენ, სადაც პატარები მითიური უნიკორნის ვარსკვლავის საპოვნელად, საინტერესო და მხიარულ გზას გაივლიან.

სუპერგმირების მხიარულებით სავსე ზეიმი მამაცი და თავგადასავლების მოყვარული ბავშვებისთვისაა, რომლებიც მზად არიან ქალაქის გადასარჩენად ამაღელვებელი მისია შეასრულონ. მასში მშობლების (ერთი მაინც) ჩართულობა და თანდასწრება აუცილებელია. პატარები თავიანთი საყვარელი სუპერგმირის კოსტიუმს ირგებენ და მინიშნებების დახმარებით ცდილობენ დავალებების შესრულებას.

რაპუნცელის ზღაპრული ზეიმი პატარა სტუმრებს ნამდვილ პრინცესებად და პრინცებად აქცევს, რომლებიც რაპუნცელს დაკარგული მეგობრის, პასკალის პოვნაში დაეხმარებიან და ამასთანავე, სხვადასხვა საინტერესო ვორქშოპებითა და თამაშებით იხალისებენ.

ინდიელობანა იუბილარსა და მის მეგობრებს საიდუმლოებებისა და აღმოჩენების სამყაროში ამოგზაურებს. საინტერესო ვორქშოპები და თამაშები კი მათ ნამდვილ ინდიელებად გადააქცევს.