საარჩევნო ასოციაციები

თამაშობანასა და სამართლიანი არჩევნების კოლაბორაცია 

 ,,საარჩევნო ასოციაციები’’ თამაშობანასა და ISFED-ის მიერ შეიქმნა. თამაში მომზადდა არჩევნებით დაინტერესებული ახალგაზრდების, ახლაგაზრდული ორგანიზაციებისა და საინვესტიციო ჯგუფებისთვის, თუმცა ნებისმიერ მსურველს შეუძლია მისი მეშვეობით არჩევნებთან დაკავშირებული სასარგებლო ინფორმაციის მიღება და ცნობიერების ამაღლება.

თამაშის მონაწილემ პანტომიმით ან მეტყველებით უნდა ახსნას ბარათზე დატანილი სიტყვა, რომელიც შესაძლოა მოიცავდეს არჩევნებთან დაკავშირებულ ტერმინებს, ცნებებსა და პროფესიებს.

სამაგიდო თამაში შეიქმნა კანადის მთავრობის მხარდაჭერით.

ფინანსური ასოციაციობანა 

თამაშობანასა და ეროვნული ბანკის კოლაბორაცია

,,ფინანსური ასოციაციობანა’’ თამაშობანასა და ეროვნული ბანკის ერთობლივი სამაგიდო თამაშია, რომლის მიზანიც ფინანსური ტერმინებისა და ზოგადად ფინანსური განათლების დონის ამაღლებაა.

თამაშის მონაწილემ ხატვით, პანტომიმით ან სიტყვებით უნდა ახსნას ბარათზე დატანილი სიტყვები, რომლებიც ფინანსურ ტერმინებსა და ცნებებს მოიცავს.

 თამაში დაყოფილია სამი სირთულის მიხედვით: ადვილი, საშუალო და რთული, რის გამოც სხვადასხვა ასაკის ადამიანებს დროის ერთად და მხიარულად გატარება შეუძლიათ.

განიქარვე 

თამაშობანასა და ქარვას კოლაბორაცია

,,განიქარვე’’ ექსკლუზიურად ქარვასთვის შევქმენით, რათა ბრენდის თითოეული მაშენებლისა (aka თანამშრომლის) და მისი პროდუქციის მოყვარის (aka მომხმარებლის) ყოველდღიურობა კიდევ უფრო სახალისო და საინტერესო გამხდარიყო.

თამაშის მონაწილეები საათის ისრის მიმართულებით, რიგრიგობით იღებენ ბარათებს და სასაცილო და საინტერესო კითხვებს პასუხობენ, რის მერეც სახალისო ფიზიკურ აქტივობებს ასრულებენ.

,,განიქარვე’’ დაუვიწყარ წუთებს, შეჯიბრს, მხიარულებას, განქარვებასა და მეგობრულ განწყობას გპირდებათ!