არტ ლაბორატორია
ბილეთები
არტ ლაბორატორია
კლასობანა: არტ ლაბორატორია
ვიმოგზაურებთ ხელოვნების სამყაროში თამაშ-თამაშით!
ასაკი: 8–12 წელი
კურსის ხანგრძლივობა: 3 თვე
(კვირაში 2 შეხვედრა - შეხვედრის ხანგრძლივობა: 90 წუთი)
განრიგი: ოთხშაბათი 17:00-18:30 / შაბათი 17:00-18:30
ყოველი თვის შემდეგ ტარდება შემაჯამებელი შეხვედრა - ნამუშევრების გამოფენა (ამის შემდეგ მშობელი და ბავშვი იღებენ გადაწყვეტილებას კურსის გაგრძელება/შეწყვეტასთან დაკავშირებით.
საფასური: 300 ლარი (1 თვის ღირებულება)
* რეგისტრაციის შემდეგ საფასური უკან არ ბრუნდება.
კურსის ხელმძღვანელები: გურამ შავდია და მარიამ ოდიშელიძე - განათლება: დიუსელდორფის სამხატვრო აკადემია; 2023 წლიდან ,,Raum Workshop”-ისა და, მოგვიანებით, ,,Raum Artspace” დამფუძნებლები. ,,Raum artspace” სახელოსნოსთან ერთად, თანამედროვე ხელოვანების გამოფენებს მასპინძლობს. ,,Raum Workshop” ბავშვებისა და უფროსებისთვის სხვადასხვა თემატურ შეხვედრებსა და ვორკშოფებს ატარებს; ბავშვებთან მუშაობის მრავალწლიანი გამოცდილებით საქართველოსა და გერმანიაში.
🎨 თამაშობანას არტლაბორატორია ხელოვნების უზარმაზარ სამყაროსთან დაახლოების მრავალფეროვანი და განსხვავებული გზაა, რომელიც პირველყოფილი ადამიანის შემოქმედებით იწყება, რენესანსის ეპოქის მხატვრებით გრძელდება და, რა თქმა უნდა, თანამედროვე ხელოვნებასაც მოიცავს.
🖌️ აღნიშნული კურსის ფორმატში, თეორია და პრაქტიკა თანაარსებობენ. თითოეულ შეხვედრას, შესავლის სახით აქვს საკითხის ისტორიის, თეორიის გაცნობა, რომელიც გრძელდება პრაქტიკული ნაწილით, შემოქმედებითი საქმიანობით.
🖼️ ბავშვები გაეცნობიან ხელოვნების ევოლუციას გამოქვაბულის ნახატებიდან თანამედროვე ხელოვნებამდე, აღმოაჩენენ სხვადასხვა ეპოქის სტილებს და ცნობილ ხელოვანებს. თითოეულ შეხვედრაზე ისინი შექმნიან საკუთარ ნამუშევრებს - ისტორიული თუ თანამედროვე ხელოვნების შთაგონებით - და ამ პროცესში ისწავლიან, როგორ გამოხატონ იდეები ფერებით, ფორმებითა და მასალებით.
🎯 ბავშვები გაეცნონ საინტერესო თეორიულ მასალას და, ამასთან, თავადაც შექმნან განხილული თემების, მხატვრების ინსპირაციით შესაბამისი ნამუშევრები, სხვადასხვა მასალითა და მედიაში. გამორჩეულ ეპოქებსა და კულტურებში მოგზაურობა გააჩენს ინტერესს ხელოვნების მიმართ, განავითარებს ბავშვის წარმოსახვას და შემოქმედებითობის უნარს.
- ხელოვნებისა და ხელოვანების ისტორიების გაცნობა ✅
- თეორიული ცოდნის პრაქტიკაში გამოყენების უნარის განვითარება ✅
- ფანტაზიისა და ხედვის გაფართოვება ✅
- ხელოვნების როლისა და დანიშნულების შეცნობა ✅
- გუნდურად და ინდივიდუალურად მუშაობის უნარის განვითარება ✅
🔔 1 შეხვედრა: ადამიანისა და ხელოვნების პირველი კვალი
თეორიული ნაწილი:
• ადამიანის ხელოვნება გამოქვაბულებში (Lascaux, Altamira)
• რას გვიჩვენებს ეს ხელოვნება?
• რატომ ქმნიდნენ ადამიანები ნახატებს?
პრაქტიკული ნაწილი:
• ბავშვები გააკეთებენ მარტივი გამოქვაბულის მხატვრობას ოდნავ მუქი ფერის მუყაო /ქაღალდზე ცარცის პასტელებით
• ექსპერიმენტი პირველ ნახატების სტილში
🔔 2 შეხვედრა: ძველი ეგვიპტის ხელოვნება
თეორიული ნაწილი:
• ეგვიპტის ფარაონების დროის მხატვრობა და ქანდაკება
• იეროგლიფები, სამლოცველო ტილოები
პრაქტიკული ნაწილი:
• ეგვიპტური ფიგურების მოდელირება პლასტელინებით
• პატარა "იეროგლიფების" შექმნა
🔔 3 შეხვედრა: ძველი საბერძნეთი
თეორიული ნაწილი:
• გეომეტრიული და კლასიკური სტილი, თასები, მოზაიკები
• როგორ გამოიყენებდნენ ფორმას, ფერს, სიმეტრიას
პრაქტიკული ნაწილი:
• თიხის თასების მოხატვა აკრილის საღებავებით ბერძნულ სტილში
🔔 4 შეხვედრა: შუასაუკუნეების ქრისტიანული ხელოვნება
თეორიული ნაწილი:
• მოზაიკები, კათედრალები, ფრესკები
• ხელოვანები და მათი მეთოდები ბავშვებისთვის გასაგებ ენაზე
პრაქტიკული ნაწილი:
• პატარა მოზაიკის მოდელირება ფერადი ქაღალდებით ან ქვებით
🔔 5 შეხვედრა: რენესანსი
თეორიული ნაწილი:
• ცნობილი მხატვრები ბავშვებისთვის, მათი შემოქმედების განხილვა
• მხატვრობის ტექნიკები: პორტრეტი, ბუნების დაკვირვება
პრაქტიკული ნაწილი:
• პერსპექტივის ახსნა , თუ როგორ იხატება ნახატი პერსპექტივაში
• გრაფიკული სტილის ნახატების დახატვა
🔔 6 შეხვედრა: იმპრესიონიზმი
თეორიული ნაწილი:
• ძირითადი მხატვრები: სეზანი, მონე, ვან გოგი
• ფერის, სინათლის და სინთეზირებული ფორმების გამოყენება
პრაქტიკული ნაწილი:
• ნატურმორტის ან ბუნების სცენის დახატვა იმპრესიონისტულ სტილში ტილოზე
🔔 7 შეხვედრა: მოდერნიზმი / კუბიზმი
თეორიული ნაწილი:
• პიკასო და კუბიზმი
• ფორმების გაერთიანება და ექსპერიმენტი
პრაქტიკული ნაწილი:
• პიკასოს სტილში საკუთარი პორტრეტის ან ობიექტის შექმნა 3D მუყაოში
🔔 8 შეხვედრა: თანამედროვე ხელოვნება
თეორიული ნაწილი:
• თანამედროვე მხატვრები: დევიდ ჰოკნი, ჯეფ კუნსი, იაიოი კუსამა
• ვიდეო, ფოტო, ინტერფეისი – ხელოვნება XXI საუკუნეში
პრაქტიკული ნაწილი:
• იაიოი კუსამას მიხედვით მოვხატავთ ნამდვილ გოგრებს აკრილის საღებავებით.
ვებსაიტმა შეიძლება გამოიყენოს ქუქიები ამ საიტის მიერ მომხმარებლის მაქსიმალური ნავიგაციის პერსონალიზაციისა და გასაადვილებლად. მომხმარებელს შეუძლია დააკონფიგურიროს თავისი ბრაუზერი, რათა შეატყობინოს და უარყოს ჩვენს მიერ გაგზავნილი ქუქიების დაყენება.
ვებსაიტმა შეიძლება გამოიყენოს ქუქიები ამ საიტის მიერ მომხმარებლის მაქსიმალური ნავიგაციის პერსონალიზაციისა და გასაადვილებლად. მომხმარებელს შეუძლია დააკონფიგურიროს თავისი ბრაუზერი, რათა შეატყობინოს და უარყოს ჩვენს მიერ გაგზავნილი ქუქიების დაყენება.
🔔 ნებისმიერი შეკითხვის შემთხვევაში - 📞 032 2 33 33 32
🎉 გელოდებით თამაშობანაში! - ნინო რამიშვილის მეორე ჩიხი #4