საკონტაქტო ინფორმაცია

კომპანიის დასახელება: შპს „ნ თამაშობანა მზიური“

საიდენტიფიკაციო ნომერი: 404727541

მისამართი: საქართველო, ქ. თბილისი, ნინო რამიშვილის მეორე ჩიხი # 4

ტელეფონის ნომერი: +995 599 14 03 30

E-mail: info@tamashobana.ge 

შესავალი

წინამდებარე დოკუმენტი განსაზღვრავს პლატფორმის მომხმარებლის უფლებებსა და პლატფორმის გამოყენების წესებსა და პირობებს. მომხმარებლის მიერ შეკვეთის განთავსების შემთხვევაში იგი წარმოადგენს ხელშეკრულებას მომხმარებელსა და კომპანიას შორის.

ტერმინები

კომპანია - საქართველოს კანონმდებლობის შესაბამისად რეგისტრირებული შეზღუდული პასუხისმგებლობის მქონე საზოგადოება „ნ თამაშობანა მზიური,“ საიდენტიფიკაციო ნომრით: 404727541, იურდიული მისამართი: საქართველო, ქ. თბილისი, მთაწმინდის რაიონი, ლეო ქიაჩელის ქ., N 13, ბ. 8. საქართველოს კანონის „მომხმარებლის უფლებების დაცვის შესახებ“ მიზნებიდან გამომდინარე, კომპანია არის პლატფორმაზე განთავსებული პროდუქციისა და შეთავაზებული მომსახურების მოვაჭრე/მიმწოდებელი.

მომხმარებელი - ნებისმიერი ფიზიკური ან ორგანიზაცია/იურდიული პირი, რომელიც იყენებს პლატფორმას, მათ შორის და არამხოლოდ პლატფორმის ვიზიტორი, რეგისტრირებული მომხმარებელი და ყოფილი მომხმარებელი;

პლატფორმა - ელექტრონული ვაჭრობის პლატფორმა www.tamashobana.ge, რომლის ერთადერთი მესაკუთრე და კანონიერი მფლობელი არის კომპანია;

პროდუქცია - პლატფორმის კატეგორია „მარკეტში“ განთავსებული ნებისმიერი ნივთი და კატეგორია „გართობაში“ განთავსებულ ნებისმიერ ღონისძიებაზე (მათ შორის, კონცერტი, სპექტაკლი, ე.წ. ვორქშოპი და სხვ.) დასასწრები ბილეთი, რომლის შეკვეთის/შეძენის შესაძლებლობა აქვს მომხმარებელს პლატფორმის საშუალებით.

მომსახურება - პლატფორმის კატეგორიაში „დაბადების დღე“ განთავსებული დაბადების დღის აღნიშვნის პროგრამები და კატეგორია „განათლებაში“ განთავსებული კურსები, რომლის შეკვეთის/შეძენის შესაძლებლობა აქვს მომხმარებელს პლატფორმის საშუალებით.

მომხმარებლის ანგარიში

იმისთვის რომ მომხმარებელმა სრულყოფილად ისარგებლოს პლატფორმის მომსახურებით აუცილებელია ანგარიშის შექმნა. აღნიშნულისთვის მომხმარებელი უნდა მიჰყვეს პლატფორმაზე განთავსებულ ინსტრუქციას. მათ შორის, მიუთითოს ყველა აუცილებელი ინფორმაცია და დაეთანხმოს წინამდებარე წესებსა და პირობებს. ზოგიერთ შემთხვევაში შესაძლოა პლატფორმის მოთხოვნით მომხმარებელმა გაიაროს დამატებითი ვერიფიკაცია.

მომხმარებლებს შესაძლებლობა აქვს გაიარონ რეგისტრაცია და შექმნან ანგარიში Google-ს ან Facebook-ის გამოყენებით. ასეთ შემთხვევაში მომხმარებელი დამატებით უნდა დაეთანხმოს Google-სა და Facebook-ის მიერ მითითებულ წესებსა და პირობებს, რომლის დაცვაზეც პასუხისმგებლობა ეკისრება მომხმარებელს.

ანგარიშის შექმნის დროს მითითებული ინფორმაციის სისწორეზე/სიზუსტეზე პასუხისმგებელია მომხმარებელი. კომპანია უფლებამოსილია დამატებით მოსთხოვოს მომხმარებელს ინფორმაციის სისწორის/სიზუსტის დადასტურება. ასეთ შემთხვევაში მომხმარებელი ვალდებულია დააკმაყოფილოს კომპანიის მოთხოვნა და გონივრულ ვადაში მიაწოდოს მას ყველა აუცილებელი ინფორმაცია.

მომხმარებელი პასუხისმგებელია ანგარიშის დეტალების უსაფრთხო შენახვაზე, მესამე პირებისთვის მიუწვდომელ ადგილზე. იმ შემთხვევაში თუ მომხმარებელს გაუჩნდება ეჭვი, რომ მესამე პირს აქვს წვდომა ანგარიშის დეტალებზე, იგი ვალდებულია დაუყონებლივ შეცვალოს იგი.

პლატფორმაზე ანგარიშის შექმნა შეუძლია ყველა სრულწლოვან და ქმედუნარიან პირს. იმ შემთხვევაში თუ მომხმარებელი არის არასრულწლოვანი ან/და შეზღუდული ქმედუნარიანობის მქონე პირი, ანგარიში უნდა შეიქმნას მხოლოდ მშობლის ან/და კანონიერი წარმომადგენლის თანხმობით.

მომხმარებელი უფლებამოსილია მართავდეს მხოლოდ ერთ ანგარიშს. აკრძალულია ერთი პირის მიერ რამდენიმე ანგარიშის შექმნა. კომპანია უფლებას იტოვებს წაშალოს/დაბლოკოს ალტერნატიული ანგარიში/ანგარიშები.

ნებისმიერ ქმედებაზე, რომელიც განხორციელებული არის მომხმარებლის ანგარიშიდან, პასუხისმგებლობა ეკისრება მომხმარებელს. იმ შემთხვევაში თუ პირი სხვისი სახელითა და მითითებებით ახორციელებს ქმედებას მომხმარებლის ანგარიშიდან, იგულისხმება რომ მას აქვს შესაბამისი უფლებამოსილება იმოქმედოს მომხმარებლის სახელით. კომპანია არც ერთ შემთხვევაში არ არის პასუხისმგებელი ზიანზე, რომელიც შესაძლოა დადგეს ანგარიშის უნებართვო წვდომის შედეგად.

მომხმარებელი უფლებამოსილია მოითხოვოს ანგარიშის გაუქმება, აღნიშნულისთვის იგი უნდა დაუკავშირდეს კომპანიას. კომპანია მოთხოვნიდან არაუგვიანეს 10 (ათი) სამუშაო დღის ვადაში დააკმაყოფილებს მომხმარებლის მოთხოვნას, გარდა იმ შემთხვევისა თუ არსებობს ობიექტური მიზეზი, რის გამოც კომპანია მოკლებულია ანგარიშის გაუქმების შესაძლებლობას მითითებულ ვადაში.

კომპანია უფლებამოსილია საკუთარი ინიციატივით გააუქმოს მომხმარებლის ანგარიში თუ არსებობს გონივრული ეჭვი, იმის თაობაზე, რომ მომხმარებელი არღვევს წინამდებარე წესებსა და პირობებს ან საკანონმდებლო მოთხოვნებს ან არსებობს სხვა ლეგიტიმური საფუძველი.

მომხმარებლის განცხადებები და გარანტიები

წინამდებარე წესებსა და პირობებზე დათანხმებით, მომხმარებელი აცხადებს და იძლევა გარანტიას, რომ:

იგი არის იურიდიულად ქმედუნარიანი პირი და მისი მხრიდან პლატფორმის გამოყენება არ არღვევს მოქმედი კანონმდებლობის მოთხოვნებს. ამასთან, მომხმარებელი არ არის ისეთი პირი, რომელიც ექვემდებარება ან შესაძლოა მომავალში დაექვემდებაროს ეკონომიკურ ან სავაჭრო სანქციებს.

მის მიერ მიწოდებული ყველა ინფორმაცია არის სანდო, ზუსტი და სრული. არ შეიცავს არასწორ, გაყალბებულ ან შეცდომაში შემყვან მონაცემებს.

იგი არ ჩაერთვება არანაირ ქმედებაში, რომელიც არღვევს პლატფორმის წესებს, კონფიდენციალურობის პოლიტიკას ან სხვა მარეგულირებელ დოკუმენტებს. მომხმარებელი ასევე იღებს ვალდებულებას, რომ არ განახორციელებს უკანონო, დისკრიმინაციულ ან თაღლითურ საქმიანობას, რაც შეიძლება ზიანი მიაყენოს ან შელახოს მესამე პირების უფლებებს.

შეკვეთა

პროდუქციის და მომსახურების შეკვეთის განსახორციელებლად მომხმარებელი უნდა მიჰყვეს პლატფორმის ინსტრუქციას.

მომხმარებელი უფლებამოსილია განახორციელოს შეკვეთები შემდეგი კატეგორიებიდან: მარკეტი, გართობა, განათლება და დაბადების დღე.

მომხმარებელი ვალდებულია შეკვეთის განხორციელებამდე ყურადღებით გაეცნოს პროდუქციის და მომსახურების აღწერას და განახორციელოს შეკვეთა მხოლოდ იმ შემთხვევაში, თუ პროდუქცია/მომსახურება ერგება მის მოთხოვნებსა და საჭიროებებს.

შეკვეთის განთავსების შემდეგ მომხმარებელი პლატფორმის საშუალებით მიიღებს შეტყობინებას აღნიშნულის თაობაზე.

მომხმარებელი უფლებამოსილია დააკორექტიროს შეკვეთა ან/და გააუქმოს იგი შემდეგი პირობების დაცვით:

კატეგორია „მარკეტში“ განთავსებული პროდუქციის შეკვეთის შემთხვევაში მომხმარებელი უფლებამოსილია დააკორექტიროს ან გააუქმოს შეკვეთა მხოლოდ იმ შემთხვევაში თუ მისი მიწოდების ვადამდე დარჩენილია 2 (ორი) სამუშაო დღეზე მეტი.

კატეგორია „გართობაში,“ „განათლებაში“ და კატეგორიაში „დაბადების დღე“ განთავსებული ბილეთის/კურსის/დაბადების დღის პროგრამის შეკვეთის დაკორექტირება შესაძლებელია მხოლოდ კომპანიასთან შეთანხმებით. იმ შემთხვევაში, თუ მომხმარებელს აქვს შეკვეთის კორექტირების სურვილი და მომსახურების გაწევამდე დარჩენილია 2 (ორი) სამუშაო დღეზე მეტი, იგი უფლებამოსილია მიმართოს კომპანიას შეკვეთის კორექტირების მოთხოვნით. კომპანია უფლებამოსილია დააკორექტიროს შეკვეთა ან უარი თქვას მის კორექტირებაზე.

კომპანია იტოვებს უფლებას საკუთარი ინიციატივით დაუყონებლივ გააუქმოს შეკვეთა თუ არსებობს აღნიშნულის ობიექტური საფუძველი, რაც შეიძლება იყოს მარაგების არარსებობა, ტექნიკური შეცდომა პლატფორმაზე, ღონისძიების/კურსის ჩაშლა/გადადება, მომხმარებლის მიერ წინამდებარე წესების და პირობების ან/და კანონმდებლობის დარღვევა, თაღლითური შემთხვევა და სხვა ობიექტური საფუძველი.

მომხმარებელს შეკვეთის გაუქმების თაობაზე ეცნობება დაუყონებლივ, მაგრამ არაუგვიანეს პროდუქციის/მომსახურების მიღებამდე 3 (სამი) კალენდარული დღით ადრე.

ანგარიშსწორება და გადახდის მეთოდები

შეკვეთის ღირებულების გადასახდელად მომხმარებელი უნდა მიჰყვეს პლატფორმაზე განთავსებულ ინსტრუქციას.

მომხმარებელი ვალდებულია დაფაროს შეკვეთის სრული ღირებულება, გარდა იმ შემთხვევისა როდესაც მომხმარებელი ახორციელებს შეკვეთას კატეგორიიდან „დაბადების დღე.“ აღნიშნულ კატეგორიაში განთავსებული მომსახურეობის შეკვეთის შემთხვევაში მომხმარებელი პლატფორმის საშუალებით ახორციელებს ე.წ. წინმსწრებით ანგარიშსწორებას. მომხმარებელი ვალდებულია დაფაროს მომსახურების სრული ღირებულება ადგილზე, მომსახურების გაწევამდე.

პლატფორმაზე მომხმარებელი სარგებლობს მხოლოდ უნაღდო ანგარიშსწორებით, რომელიც ხორციელდება ფინანსური ინსტიტუტის დაცულ არეალში, რომელზეც კომპანიას არ აქვს წვდომა.

შეკვეთის გაუქმების შემთხვევაში, კომპანია იღებს ვალდებულებას დაუბრუნოს მომხმარებელს გადახდილი ღირებულება დაუყონებლივ, მაგრამ არაუმეტეს 14 (თოთხმეტი) კალენდარული დღის ვადაში.

შეკვეთის განხორციელება

პროდუქციის მიწოდება

კომპანია პლატფორმის კატეგორია „მარკეტში“ განთავსებული პროდუქციის მიწოდებას მომხმარებლისთვის ახორციელებს კონტრაქტორი საკურიერო კომპანიის საშუალებით. მიწოდება ხორციელდება მთელი საქართველოს მასშტაბით. მომხმარებელი შეკვეთილ პროდუქციას თბილისში მიიღებს მისი შეკვეთიდან 3 (სამი) სამუშაო დღის ვადაში, ხოლო სხვა რეგიონებში - შეკვეთიდან 5 (ხუთი) სამუშაო დღის ვადაში.

გამონაკლისს შემთხვევებში კონტრაქტორ საკურიერო კომპანიას შესაძლოა დასჭირდეს უფრო მეტი დრო პროდუქციის მიწოდებისთვის, თუმცა მიწოდების ვადები არ გადააჭარბებს 20 (ოცი) კალენდარულ დღეს.

პროდუქციის მიწოდების დაგვიანების შემთხვევაში მომხმარებელი უნდა დაუკავშირდეს კომპანიას და აცნობოს აღნიშნულის თაობაზე.

პროდუქცია უნდა ჩაიბაროს თავად მომხმარებელმა. თუ მომხმარებელს სურს პროდუქცია ჩაიბაროს მესამე პირმა, მან აღნიშნულის თაობაზე დაუყონებლივ უნდა აცნობოს კომპანიას და მიაწოდოს მას ასეთი მესამე პირის რეკვიზიტები.

პროდუქციის მიღების დროს მომხმარებელი (ან მესამე პირი, თუ ასეთი პირი განსაზღვრულია მომხმარებლის მიერ) ვალდებულია დაათვალიეროს პროდუქცია და დარწმუნდეს, რომ იგი სრულად შეესაბამება შეკვეთას და არ აქვს ვიზუალური/ხილული ნაკლი. იმ შემთხვევაში თუ პროდუქციას აქვს ნაკლი იგი დაუყონებლივ უნდა დაუკავშირდეს კომპანიას. პროდუქციის მიღების დროს მომხმარებელი/მესამე პირი ვალდებულია ხელი მოაწეროს პროდუქციის მიღების აქტს.

კატეგორია „გართობაში“ განთავსებული ბილეთების შეძენის შემთხვევაში მომხმარებელი ელექტრონულ ბილეთებს იღებს შეკვეთის განთავსებისთანავე მითითებულ ელ.ფოსტაზე ან ჩამოტვირთოს იგი მომხმარებლის გვერდიდან.

მომსახურების მიწოდება

პლატფორმის კატეგორია „განათლებაში“ მითითებული კურსის შეკვეთის შემთხვევაში მომხმარებელი მომსახურებას მიიღებს კურსის/შეთავაზების გვერდზე განთავსებული ვადებისა და პირობების შესაბამისად.

პლატფორმის კატეგორიაში „დაბადების დღე“ მითითებული დაბადების დღის პროგრამის შეკვეთის დროს მომხმარებელი ვალდებულია შეარჩიოს მომსახურების მიღების სასურველი თარიღი/დროის პერიოდი. კომპანია ვალდებულია განახორციელოს მომსახურება მითითებულ ვადებში პლატფორმაზე დაბადების დღის პროგრამის გვერდზე განთავსებული პირობების შესაბამისად.

კურსთან/პროგრამასთან დაკავშირებული კითხვების არსებობის შემთხვევაში მომხმარებელი ვალდებულია შეკვეთის განთავსებამდე დაუკავშირდეს პლატფორმას და დააზუსტოს დეტალები.

მომსახურების ის პირობები, რომელიც არ არის გათვალისწინებული პლატფორმაზე რეგულირდება საქართველოს კანონმდებლობის შესაბამისად.

კომპანიის პასუხისმგებლობა მომსახურების მიწოდების დროს

კომპანიის ზოგადი პასუხისმგებლობა

მიუხედავად იმისა, რომ კომპანია მომსახურეობის გაწევის დროს ახორციელებს ბავშვზე ზედამხედველობას პერსონალის საშუალებით, აღნიშნული არ გამორიცხავს მშობლის/მეურვის პასუხისმგებლობას იზრუნოს ბავშვის უსაფრთხოებასა და კეთილდღეობაზე. კომპანია არ არის პასუხისმგებელი რაიმე სახის ტრავმაზე, უბედურ შემთხვევასა ან ზარალზე, რომელიც შეიძლება დადგეს მომსახურების გაწევის დროს, გარდა იმ შემთხვევებისა, როდესაც ასეთი ზიანი გამოწვეულია კომპანიის ან/და მისი პერსონალის ბრალეული ქმედებით ან უხეში გაუფრთხილებლობით.

მოთხოვნები მშობლის/მეურვის მიმართ

მშობლები/მეურვეები ვალდებულნი არიან მომსახურების მიღების დროს თან ახლდნენ ბავშვს. კომპანიის სივრცეში პერსონალის არსებობა და მათი ზედამხედველობა არ ანაცვლებს მშობლების/მეურვის პასუხისმგებლობას, უზრუნველყოს ბავშვის უსაფრთხოება და მომსახურების პირობების დაცვა.

კომპანიის პასუხისმგებლობის შეზღუდვა

მშობელი/მეურვე ათავისუფლებს კომპანიას, მის მფლობელებს, პერსონალს და წარმომადგენლებს ნებისმიერი პასუხისმგებლობისგან, პრეტენზიებისგან და მოთხოვნებისა რომლებიც დაკავშირებულია რაიმე სახის ზიანთან, ტრავმასთან ან უბედურ შემთხვევასთან, გარდა იმ შემთხვევებისა, როდესაც აღნიშნული გამოწვეულია კომპანიის ბრალეული ქმედებით ან უხეში გაუფრთხილებლობით.

გაფრთხილება ალეგრიაზე

ზოგიერთ შემთხვევაში კომპანიის მომსახურეობა მოიცავს ბავშვისთვის საკვები პროდუქტების მიწოდებას. მშობლების/მეურვის ვალდებულებაა წინასწარ წერილობით აცნობოს კომპანიას ბავშვის ალერგიულობის თაობაზე. კომპანია არ აგებს პასუხს ალერგიულ რეაქციებზე, მის შედეგებსა და ჯანმრთელობის გაუარესებაზე თუ აღნიშნული გამოწვეულია ბავშვისთვის მიწოდებული საკვები პროდუქტების გამო და კომპანიას არ ჰქონდა ინფორმაცია მშობლისგან/მეურვისაგან ბავშვის ალერგიულობის თაობაზე. კომპანია პასუხს აგებს აღნიშნულ ზიანზე, თუ იგი სათანადოდ იყო ინფორმირებული ბავშვის ალერგიულობის თაობაზე და მან არ მიიღო შესაბამისი ზომები ალერგენებთან კონტაქტის თავიდან ასაცილებლად, რამაც გამოიწვია ზიანი.

პროდუქციის დაბრუნების / მომსახურებაზე უარის უფლება

კატეგორია „მარკეტში“ განთავსებული პროდუქციის დაბრუნების პირობები

კატეგორია „მარკეტში“ განთავსებული პროდუქციის უპირობო დაბრუნების უფლებით შეიძლება ისარგებლონ მხოლოდ იმ მომხმარებლებმა, რომლებიც არიან ფიზიკური პირები. აღნიშნული უფლება არ ვრცელდება მომხმარებლებზე, რომლებიც არიან იურდიული პირები.

მომხმარებელს უფლება აქვს პროდუქციის მიღებიდან 14 (თოთხმეტი) კალენდარული დღის ვადაში დაუბრუნოს იგი კომპანიას ნებისმიერი მიზეზით, ყოველგვარი საფუძვლის მითითების გარეშე.

დაბრუნების სურვილის არსებობის შემთხვევაში მომხმარებელი ვალდებულია შეავსოს დაბრუნების ფორმა.

მომხმარებელი ვალდებულია თავად უზრუნველყოს პროდუქციის ტრანსპორტირება და დაუბრუნოს კომპანიას ან კომპანიის მიერ განსაზღვრულ მესამე პირს პროდუქცია დაბრუნების მოთხოვნის დაფიქსირებიდან 7 (შვიდი) კალენდარულ დღეში შემდეგ მისამართზე: თბილისი, ნინო რამიშვილის მეორე ჩიხი # 4 ან თბილისი, გიორგი ახვლედიანის ქ. #13

მომხმარებელი ვალდებულია სრულად დააბრუნოს პროდუქცია კომპანიას ყველა თანდართულ დოკუმენტთან ერთად.

კომპანია ვალდებულია პროდუქციის უკან დაბრუნების შეტყობინების მიღებიდან 14 (თოთხმეტი) კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. კომპანია უფლებას იტოვებს უარი თქვას თანხის დაბრუნებაზე, მანამ სანამ იგი ან მის მიერ განსაზღვრული მესამე პირი არ ჩაიბარებს პროდუქციას ან იგი მომხმარებლისგან არ მიიღებს პროდუქციის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება.

თანხის ანაზღაურება მოხდება გადახდის იმავე საშუალებებით, რომელიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.

მომხმარებლის მიერ პროდუქციაზე უარის თქმა და მისი დაბრუნება ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

მომხმარებელს არ აქვს უფლება მოითხოვოს პროდუქციის დაბრუნება შემდეგ შემთხვევებში:

• მიწოდებული პროდუქციის ფასი დამოკიდებულია ფინანსურ ბაზარზე არსებულ ცვლილებაზე, რომელსაც კომპანია ვერ აკონტროლებს და რომელიც წარმოიშვა წინამდებარე დოკუმენტით დადგენილ ვადაში.
• პროდუქცია მომხმარებლის ინდივიდუალური შეკვეთით არის დამზადებული/შესრულებული.
• მიწოდებული პროდუქცია მალფუჭებადია ან მას მოკლე ვარგისობის ვადა აქვს.
• მომხმარებელს მიეწოდა ჰერმეტულად დაცული პროდუქცია, მისი ჰერმეტულობა მიწოდების შემდეგ დაირღვა და, ამდენად, პროდუქციის დაბრუნება შეუძლებელია ჯანმრთელობის ან ჰიგიენური ნორმების დაცვის გამო.
• მიწოდებული პროდუქცია მიწოდების დროს, მისი მახასიათებლებიდან გამომდინარე, განუყოფლად შეერწყა სხვა პროდუქციას.
• დალუქული აუდიო ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა.
• ჟურნალ-გაზეთები ან სხვა სახის პერიოდული გამოცემა.
• მომხმარებელმა საჯარო აუქციონის შედეგად შეიძინა პროდუქცია.
• მომხმარებელს ციფრული შინაარსი მიეწოდა არამყარი მატარებლით და ხელშეკრულების შესრულება მომხმარებლის წინასწარი თანხმობით დაიწყო.
• 30 ლარამდე ღირებულების პროდუქცია.

იმ შემთხვევაში თუ მომხმარებლის მიერ პროდუქცია არის გამოყენებული და იგი დაბრუნებისას არ არის პირველად მდგომარეობაში, კომპანია უფლებამოსილია პროპორციულად შეამციროს მომხმარებლისთვის დასაბრუნებელი ღირებულება საქართველოს კანონმდებლობის შესაბამისად.
 

კატეგორია „გართობაში“ განთავსებული ბილეთების დაბრუნების პირობები

მომხმარებელი უფლებამოსილია დააბრუნოს კატეგორია „გართობაში“ განთავსებული ბილეთები იმ შემთხვევაში თუ შესაბამისი ღონისძიების/წარმოდგენის ჩატარებამდე დარჩენილია 2 (ორი) სამუშაო დღეზე მეტი.

დაბრუნების მოთხოვნით მომხმარებელმა უნდა მიმართოს კომპანიას და წარუდგინოს დასაბრუნებელი ბილეთი.

მომხმარებელს უკან დაუბრუნდება ბილეთში გადახდილი ღირებულება მისი უკან დაბრუნებიდან არაუმეტეს 14 (თოთხმეტი) დღის ვადაში.

მომსახურებაზე უარის უფლება

მომხმარებელი უფლებამოსილია უარი თქვას მომსახურებაზე და გააუქმოს კატეგორია „განათლებაში“ განთავსებული კურსის შეკვეთა თუ კურსის დაწყებამდე დარჩენილია 2 (ორი) სამუშაო დღეზე მეტი.

მომხმარებელი იგივე უფლებით სარგებლობს იმ შეკვეთებზე, რომელიც გაფორმებულია კატეგორიიდან „დაბადების დღე.“ კერძოდ, თუ მომხმარებელს შეკვეთილი აქვს დაბადების დღის პროგრამა და მომსახურების დაწყებამდე დარჩენილია 2 (ორი) სამუშაო დღეზე მეტი, მომხმარებელი უფლებამოსილია გააუქმოს ასეთი შეკვეთა.

შეკვეთის გაუქმებისთვის მომხმარებელმა უნდა მიმართოს პლატფორმას. მომხმარებელს უკან დაუბრუნდება გადახდილი ღირებულება შეკვეთის გაუქმებიდან არაუმეტეს 14 (თოთხმეტი) დღის ვადაში.

ყოველგვარი ბუნდოვანების თავიდან არიდების მიზნით, იმ შემთხვევაში თუ მომხმარებლის მიერ ნებისმიერი მიზეზით შეკვეთა გაუქმდა მაშინ როცა კურსის დაწყებამდე/მომსახურების დაწყებამდე დარჩენილია 2 (ორი) სამუშაო დღეზე ნაკლები, კომპანია არ არის ვალდებული მომხმარებელს უკან დაუბრუნოს გადახდილი ღირებულება.

პროდუქციასთან დაკავშირებული კანონისმიერი გარანტია

კანონისმიერი გარანტიის პირობები ვრცელდება მხოლოდ იმ მომხმარებლებზე, რომლებიც არიან ფიზიკური პირები.

თუ პლატფორმაზე შეძენილი პროდუქცია ნაკლის მქონე აღმოჩნდა, მომხმარებელს უფლება აქვს, კომპანიას მოსთხოვოს ნაკლის აღმოფხვრა (პროდუქციის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

პროდუქციის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, კომპანიას მოსთხოვოს პროდუქციის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, პროდუქციის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

კომპანიის მიერ პროდუქცია შეკეთებული ან შეცვლილი იქნება გონივრულ ვადაში, ისე, რომ მომხმარებელს არ შეექმნება მნიშვნელოვანი შეფერხება პროდუქციის ბუნებისა და იმ მიზნის გათვალისწინებით, რომლისთვისაც მან ეს პროდუქცია შეიძინა.

პროდუქციის უსასყიდლოდ შეკეთება ან შეცვლა გულისხმობს კომპანიის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა პროდუქციის ხელშეკრულებით გათვალისწინებულ პირობებთან შესაბამისობის უზრუნველსაყოფად.

მომხმარებელს უფლება აქვს, მოითხოვოს პროდუქციის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

• პროდუქციის შეკეთება ან შეცვლა შეუძლებელია;
• კომპანია პროდუქცია გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
• კომპანიის მიერ პროდუქციის შეკეთება ან შეცვლა მომხმარებელს მნიშვნელოვან შეფერხებას შეუქმნის.

მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

მომხმარებელს არ აქვს უფლება, უარი თქვას ხელშეკრულებაზე, თუ პროდუქციის ნაკლი უმნიშვნელოა.

იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული იქნება შემდეგი პირობები:

• პროდუქციის ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
• პროდუქციის ხელშეკრულებით გათვალისწინებულ პირობებთან შეუსაბამობის ხარისხი;
• პროდუქციის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

მომხმარებელს უფლება აქვს, ისარგებლოს ზემოხსენებული უფლებებით, თუ პროდუქციის ნაკლი მისთვის გადაცემიდან 2 წლის განმავლობაში აღმოჩნდა.

თუ მომხმარებელმა პროდუქციის ნაკლი მისი მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა პროდუქციის მიწოდებისას, თუ, პროდუქციის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი კომპანიის ეკისრება. თუ მომხმარებელმა პროდუქციის ნაკლი კომპანიის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა პროდუქციის მიწოდებისას, მომხმარებელს ეკისრება.

მომსახურებასთან დაკავშირებული გარანტიები

კომპანია იღებს ვალდებულებას, რომ გაუწევს მომსახურებას მომხმარებელს საქართველოს კანონმდებლობის შესაბამისად.

იმ შემთხვევაში თუ გაწეული მომსახურეობა არის ნაკლიანი ან გადაცილებულია ვადა, მომხმარებელმა უნდა განუსაზღვროს კომპანიას მომსახურების გაწევის/ნაკლის აღმოფხვრის გონივრული დამატებითი ვადა, გარდა იმ შემთხვევისა, როდესაც ეს, მომსახურების ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს, როგორც ეს გათვალისწინებულია კანონმდებლობით.

დამატებითი ვადის უშედეგოდ გასვლის შემთხვევაში მომხმარებელს უფლება აქვს:

• კომპანიის ხარჯით მომსახურების გაწევა ან ნაკლის აღმოფხვრა სხვა პირს შესთავაზოს.
• მოითხოვოს მომსახურების ფასის ადეკვატური შემცირება.
• უარი თქვას ხელშეკრულებაზე და მოითხოვოს ზიანის ანაზღაურება საქართველოს კანონმდებლობით დადგენილი წესით.

დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება მომსახურების დროულად მიღებას დაუკავშირა.

თუ კომპანიამ დროულად არ დაიწყო მომსახურების გაწევა ან მომსახურების პროცესი უსაფუძვლოდ ჭიანურდება, რაც მომსახურების დათქმულ ვადაში გაწევას შეუძლებელს ხდის, კომპანიას არ აქვს უფლება, მოითხოვოს მომსახურების პროცესში გაწეული ხარჯების ანაზღაურება, აგრეთვე გაწეული მომსახურების საზღაური, თუ მომხმარებელმა ხელშეკრულების ნაწილობრივი შესრულებისადმი ინტერესი დაკარგა.

კომპანიის პასუხისმგებლობის შეზღუდვა

კომპანია არ იძლევა გარანტიას, რომ პლატფორმა იქნება მუდმივად ხელმისაწვდომი ან/და ყოველთვის იმუშავებს შეფერხების გარეშე, თუმცა, პასუხს აგებს პლატფორმის გაუმართაობით გამოწვეული ზიანისათვის, რომლითაც დაირღვა „მომხმარებლის უფლებების შესახებ“ საქართველოს კანონითა და „ელექტრონული კომერციის შესახებ“ საქართველოს კანონით გათვალისწინებული მომხმარებლის უფლებები.

ინტელექტუალური საკუთრების დაცვა

მომხმარებელი ვალდებულია არ განახორციელოს ისეთი ქმედება, რომელიც დაარღვევს პლატფორმაზე ან მესამე მხარის საკუთრებაში მყოფ ინტელექტუალური საკუთრების უფლებებს. პლატფორმაზე განთავსებული ნებისმიერი ინფორმაციის ან მასალის, როგორიცაა ლოგოები, გრაფიკები, სურათები, გამოსახულებები, პატენტები, სასაქონლო ნიშნები, დიზაინები, კომპანიის მიერ შექმნილი ვიზუალური მედია, პლატფორმის დიზაინი, პროგრამული უზრუნველყოფა, მისი კოდები და ნებისმიერი სხვა ინტელექტუალური საკუთრების ობიექტი (მიუხედავად იმისა, რეგისტრირებულია თუ არა), არ შეიძლება გამოყენებულ იქნეს, დამუშავდეს ან გამოქვეყნდეს (მათ შორის სოციალურ მედიაში) კომპანიის წინასწარი წერილობითი ნებართვის გარეშე.

ასევე, პლატფორმის კონტენტის ნებისმიერი სახით რეპროდუქცია, გადმოცემა, გავრცელება ან ხელახლა გავრცელება, ქეშირება, შექმნა, გაყიდვა, გადაყიდვა, ან გადაცემა მესამე პირებზე აკრძალულია. იმ შემთხვევაში, თუ პლატფორმაზე არსებული მასალის გადმოწერა ან ბეჭდვა ნებადართულია, მასალის გადმოწერა შესაძლებელია მხოლოდ ერთ მოწყობილობაზე და მხოლოდ პირადი, არაკომერციული მიზნებისთვის.

ნებისმიერი ქმედება, რომელიც სცდება ამ ნებადართულ გამოყენებას, აუცილებლად მოითხოვს კომპანიის წინასწარ წერილობით თანხმობას.

დავა/კანონმდებლობა

მომხმარებელსა და კომპანიას შორის ურთიერთობა რეგულირდება საქართველოს კანონმდებლობის შესაბამისად.

პრეტენზიის არსებობის შემთხვევაში მომხმარებელი უფლებამოსილია მიმართოს კომპანიას წერილობით ამ წესები და პირობებით განსაზღვრული საკონტაქტო ინფორმაციის გამოყენებით. პრეტენზიის მიღებიდან არაუმეტეს 14 (თოთხმეტი) კალენდარული დღის ვადაში განიხილავს მომხმარებლის პრეტენზიას და დაუბრუნდება უკუკავშირით.

ნებისმიერი დავა გადაწყდება მოლაპარაკების გზით. იმ შემთხვევაში თუ მოლაპარაკება იქნება წარუმატებელი, მომხმარებელი უფლებამოსილია მიმართოს სსიპ - საქართველოს კონკურენციის და მომხმარებლის დაცვის სააგენტოს (დავის შინაარსის გათვალისწინებით) ან პირდაპირ სასამართლოს.

ცვლილებები/დამატებები

წინამდებარე დოკუმენტი შესაძლოა შეიცვალოს ცალმხრივად, კომპანიის ინიციატივით ნებისმიერ დროს, რომლის შესახებაც ინფორმაცია დარეგისტრირებულ მომხმარებლებს უნდა ეცნობოთ გონივრული ვადით ადრე, პირად კაბინეტში სავალდებულოდ გასაცნობი შეტყობინების სახით, ელ ფოსტით ან სმს შეტყობინებით.