ასოციაციობანა

ასაკი: 7+ 

მოთამაშეების რაოდენობა: 2-8

თამაშის ხანგრძლივობა: 45-60 წთ

თამაშის აღწერა: ენით აღუწერელი მხიარულება მთელი ოჯახისთვის!

ასოციაციობანა არის სამაგიდო თამაში, სადაც მოთამაშეებს შეუძლიათ ხატვით, პანტომიმით ან მეტყველებით ახსნან ბარათზე დატანილი სიტყვები.

მახასიათებლები (დამატებითი ინფორმაცია): თამაში მიმდინარეობს გუნდებს შორის, საათის ისრის მიმართულებით. თამაშში გამოსაცნობი სიტყვები დაყოფილი არის სამი სირთულის მიხედვით, რის გამოც ეს თამაში არასდროს გახდება მოსაწყენი ნებისმიერი ასაკის ადამიანისთვის.

გუნდებმა უნდა გამოიცნონ ცნობილი ადამიანები, პროფესიები, ცხოველები, კერძები, სხვადასხვა აქტივობები და „ფრთიანი გამონათქვამები“. ამისთვის სულ არ არის აუცილებელი რომ მოთამაშე იყოს მხატვარი ან თუნდაც შეუდარებელი მსახიობი.

თამაშის მხატვარი, ყველასთვის საყვარელი არტისტი Gamez-ა გახლავთ. კარგად თუ დააკვირდებით დაფას აუცილებლად აღმოაჩენთ რომ გურიაში კოღო მეფობს, ბათუმში სიმინდები ირუჯებიან, სურამის ნაზუქი და ბიკენტიას ქაბაბებიც კვლავ მნიშვნელოვან ადგილს იკავებენ საქართველოს რუკაზე.

არ არის რეკომენდებული 3 წლამდე ასაკის ბავშვებისთვის.