თანხმობა
შპს „ნ თამაშობანა მზიური“-ს მიერ ჩემი პერსონალური მონაცემების
პირდაპირი მარკეტინგის მიზნით დამუშავებაზე
- „პერსონალურ მონაცემთა დაცვის შესახებ“ საქართველოს კანონის შესაბამისად, შპს „ნ თამაშობანა მზიური” (ს/ნ 404727541) (შემდგომში - კომპანია) პირდაპირი მარკეტინგის მიზნით ჩემი პერსონალური მონაცემების დამუშავებას განახორციელებს მხოლოდ ჩემი თანხმობის შემთხვევაში. თანხმობა ჩემი ინფორმირებული, მკაფიო და თავისუფალი არჩევანია და არა ვალდებულება.
- კომპანია, როგორც მონაცემთა დამუშავებისთვის პასუხისმგებელი პირი, პირდაპირი მარკეტინგის მიზნით ჩემი პერსონალური მონაცემების დამუშავებას განახორციელებს დამუშავებაზე უფლებამოსილი პირის მეშვეობით, სარეკლამო შეთავაზებების (მოკლეტექსტური შეტყობინებების - SMS) ჩემ ტელეფონის ნომერზე გადმოგზავნის ან/და ჩემ ელექტრონულ ფოსტაზე წერილის გადმოგზავნის ფორმით. პირდაპირი მარკეტინგის მიზნით დამუშავებული ჩემი პერსონალური მონაცემები არ გადაეცემა მესამე პირებს.
- პერსონალური მონაცემების პირდაპირი მარკეტინგის მიზნით დამუშავებაზე ჩემი თანხმობა გულისხმობს, რომ SMS-ებისა და ელექტრონულ ფოსტაზე შემოსული წერილების საშუალებით მივიღებ კანონმდებლობით ნებადართულ კომპანიის სარეკლამო ხასიათის შეთავაზებებს/შეტყობინებებს, რაც მომცემს შესაძლებლობას მუდმივად თვალი ვადევნო კომპანიის სიახლეებსა და აქციებს.
- კომპანიის მიერ პირდაპირი მარკეტინგის მიზნით დამუშავდება ჩემი მხოლოდ შემდეგი პერსონალური მონაცემები: მობილური ტელეფონის ნომერი და ელექტრონული ფოსტის მისამართი.
- ჩემი პერსონალური მონაცემების პირდაპირი მარკეტინგის მიზნებისათვის დამუშავება მოხდება უვადოდ, თუმცა ჩემთვის ცნობილია, რომ უფლება მაქვს ნებისმიერ დროს გამოვიხმო წინამდებარე თანხმობა მარტივად და უსასყიდლოდ, მათ შორის იმავე ფორმით, რომლითაც პირდაპირი მარკეტინგი ხორციელდება, კერძოდ ერთ-ერთი შემდეგი მოქმედების განხორციელებით:
ა) მოკლეტექსტური შეტყობინების ტექსტურ ველში ტექსტი 1H5-NO-ის გაგზავნით ტელეფონის ნომერზე 90212, რაც ნიშნავს, რომ „არ მსურს მივიღო კომპანიის სარეკლამო SMS-ები და ელექტრონული წერილები“ (თანხმობის გამოხმობის მოკლეტექსტური შეტყობინების გამოგზავნა უფასოა), ან
ბ) პირად კაბინეტში მარკეტინგული შეტყობინებების ველის ამორთვით.
- თანხმობის გამოხმობიდან გონივრულ (მაგრამ, არაუმეტეს 7 სამუშაო დღის) ვადაში, შეწყდება პირდაპირი მარკეტინგის მიზნით ჩემი მონაცემების დამუშავება და შესაბამისად, აღარ მივიღებ კომპანიის სარეკლამო შეთავაზებებს/შეტყობინებებს/ელექტრონულ წერილებს.
- ზემოაღნიშნულის გათვალისწინებით, წინამდებარე თანხმობის ფორმის ბოლოს არსებული ველის „ვეთანხმები” არჩევით, თანხმობას ვაძლევ კომპანიას ჩემ მიერ პირადი კაბინეტის რეგისტრაციისას მითითებული ჩემი პერსონალური მონაცემების, კერძოდ - მობილური ტელეფონის ნომრისა და ელექტრონული ფოსტის მისამართის, პირდაპირი მარკეტინგის მიზნით დამუშავებაზე.